NTM FO

Føroyskir trúboðar, sum virka saman við New Tribes Mission, eru 25 í tali. 13 hava útlendskan hjúnarfelaga. Samanlagt telja teir 38 fólk. Afturat teimum eru so 44 børn undir 18 ár. NTM FO familjan telur sostatt 82. Tey virka í 10 londum: Venesuela, USA, Grønlandi, Ruslandi, Senegal, Guinea, Mongolia, Teilandi, Papua Ný Guinea og Filipsoyggjunum.

Endamálið hjá NTM FO er fyrst og fremst at vera ein tænastustovnur fyri hesar trúboðarar. Endamálsorðingin hjá NTM FO er í 9 punktum. Nøkur teirra eru:

At koma við einum greiðum endamáli og kós fyri tænastuni hjá NTM í Føroyum.

• Gera samkomur kunnigar um tørvin á evangelisering og at stovna samkomur millum ónádd fólkasløg.
• Kunna samkomur um læruna hjá NTM, kjarnuvirði og tænastuætlan.
• Gera trúgvandi kunnug við møguleikar at virka saman við NTM.
• Tæna við at hjálpa og stuðla trúboðarum hjá NTM ávegis út á missiónsmarkina fyri fyrstu ferð og teimum, ið koma heim í farloyvi.
• Fyriskipa forbøn fyri trúboðarum og virki teirra.

Umsorgan fyri limunum – verða hirðar fyri NTM trúboðarar í samstarvi við sendi-samkomuna.

Skaffa mannskap til NTM tænastur kring allan heimin við at skipa fyri stevnum, geva út lesnað, gera útvarpssendingar osfr.

Menna tilfar til tess at:

Upplýsa samkomuna um:

• Tørvin at náa ónádd fólkasløg við evangeliinum.
• Lutin hjá NTM í royndunum at fullføra verkið.

Eggja samkomur og einstaklingar at hava ein virknan leiklut í tænastuni hjá NTM.