1965: Harrin gav okkum - eitt lítið oyggjaland - náði til at verða við í vøkstrinum, tí í september mánaði 1965 fóru teir fyrstu føroyingarnir við New Tribes Mission. Hetta vóru tveir ungir mans úr Klaksvík, sum løgdu ta longu leiðina vestur um hav til Ameriku. Hesir vóru Páll Poulsen og Óli á Grømma Jacobsen, sum byrjaðu venjingina í Jersey Shore Mission´s Institute.

1968: Ein annar missiónsskúli varð tikin í nýtslu í Pennsylvania, og stutt eftir ein í Ontario í Kanada.  Við hesum nýggju møguleikum var gjørligt at geva áhaldandi praktiska venjing, ið var neyðug í verkinum millum ættarbólkar í fjarløgdum frumskógarøkjum.

Sum áhugin at náa ættarbólkar helt á at vaksa, vóru fleiri venjingarskúlar settir á stovn, bæði í USA og Kanada, og seinni eisini í Australia.